tanging hiling ko sa bagong taon, December 31, 2011

tanging hiling ko sa bagong taon, lyrics/melody by lolo bomboy

by Lolo Bomboy on Saturday, December 31, 2011 at 7:33pm ·

ang tanging hiling ko sa bagong taong ito...
january 1, 2012, lyrics/melody by lolo bomboy

lyrics:

ang tanging hiling ko sa bagong taong ito,
mapatawad ng Diyos lahat ng mga kasalanan ko,
at sana mula ngayon hanggang magpakailan man,
huwag na akong mahulog muli sa mga kasalanan....

pero paano kaya kung ako'y hindi mapatawad,
saan na kaya mapupunta ang aking paglalakad,
ano na kaya ang mangyayari sa aking kaluluwa,
sayang lang kung sa langit ito ay di mapupunta...

kay palad ng mga taong walang mga kasalanan,
sa langit doon lahat ang kanilang patutunguhan,
anong ganda ang kanilang magiging kapalaran,
sa buhay doon na tiyak ay walang hangganan...

paano nga kaya kung si Hesus ay hindi isinilang,
paano matutubos ang kaluluwa sa mga kasalanan,
paano makakamit ang buhay na walang hanggan,
paano ko pa matatanggap ang aking kapatawaran...

dapat ang pasko ay laging nasa aking ala-ala,
kapatawaran ay dala ni Hesus nang isilang Siya,
binigay sa ating lahat ng ating Poong Maykapal,
dahil sa atin ay kay laki ng kanyang pagmamahal....

salamat sa pasko ngayo'y meron bukang liwayway,
patungo sa bagong taon ng wastong pamumuhay,
kaya sana naman sa darating na bagong taong ito,
maging lubos na ang pagkakata-ong ako ay magbago...

kaya sa mga taong nabubuhay ng walang sala,
pati na sa mga katulad kong sala ay dapat mawala,
ang bati ko ay banal na bagong taon sa ating  lahat,
sana sa Diyos tayong lahat ay laging maging matapat