"Ginalangkag na guid ako sa Romblon," June 17, 2012

"Ginalangkag na guid ako sa Romblon", lyrics/melody by lolo bomboy, June 17, 2011

by Lolo Bomboy on Thursday, May 17, 2012 at 2:23pm ·

"ginalangkag na guid ako sa romblon", lyrics/melody by lolo bomboy,
17 June 2011 Friday at 19:20

I

sadtong ako hay maisot pa,
nagkara kami ni mamay dira
sa banwa,
nagbakay ako ning ice cream
didto sa kariton,
nalipay gid ako sa ice cream na
akon gingkaon...

II

sa romblon niyan hay ginalangkag
na gid ako,
kwarentay-cinco anos na nga waya
ako didto,
sadto hay may hali pa kami sa may
pantalan,
basi yara pa da sinda dira hasta
niyan...

chorus:

romblon ginalangkag na gid ako,
indi gid ako makalimut sa imo,
bisan dugay na ako nga malayo
sa aton,
palangga ko pa da hasta niyan
ang romblon...

III

kung kaisa hay akon ginaplano,
tilawan ko na mag-uli ako didto,
makita ko uli ang banwa ng romblon,
makatuyog uli ako didto sa bayay
namon

intro to stanza IV

@Lorna ..idugang naton para sa imo:

IV

gani pagnakauli liwat ako sa aton
sa romblon,
mabakay guid ako ning isda nga
lambiyong,
utan nga langka na may lumbay
ang akon ka-unon,
mga pagkaon nga gusto ko guid
didto sa romblon

@Felecity...idugan naton para sa imo:

V

nang mabitaan mo ang music video
ni mam mo,
ging langkag ka ulit sa romblon
nga daw gusto mo na mag-uli didto,
ugaling waya kamo trabaho kag
waya na si Auntie nimo sa aton,
gane pag-uli sa romblon
daw waya pa kamo niyan ning razon

pero sa romblon ginalangkag pa guid kamo
indi guid kamo makalimot sa banwa nindo
bisan dugay na nga kamo nga malayo
sa aton
palangga pa guid nindo hasta niyan
ang romblon...

(added july 2011)