"Desiderata sa pagkaintindi ni lolo bomboy sa niRomblomanon, May 23, 2012

Desiderata sa pagkaintindi ni lolo bomboy sa niRomblomanon o "vistaglish", May 23, 2012

by Lolo Bomboy on Wednesday, May 23, 2012 at 7:00pm ·

panaw ning ya gadalidali, sa tunga ng lingaw kag
pag-a-apura,
isipa nga kahimayaan sa mahipos hay igwa..
hasta puede nga indi mahigkuan ang ngayan mo,
siguradoha ang maayo nga pagtrato sa iba nga mga tawo..
-----
hambaya ang matu-od sa kalma kag klaro nga pag-agi,
kag pamati-i ning maayo ang tanan, mayad man o bukon,
kay kada isa sa aton hay igwa istorya nga gusto hambayon.
magpalayo ka guid sa mga tawo nga malilingaw o agresibo,
tingali pagatuna-an sinda sang dako nga sakit ng uyo mo.
----
kung igakompara mo ang sarili mo sa iba, magapahambog
ka lang,  o magasakit ang bu-ot mo,
kay siempre igwa tawo nga menos kag igwa da mga mas
maayo pa kay sa imo...
----
malipay ka sa pag asenso mo, kag sa  iba mo nga mga plano,
ayaw guid pabay-i nga maduya ang mata mo sa pangabuhi,
bisan pa ano kahuga ini, sa pagbaylo baylo ng imo suerte,
ina hay manggad na puede mo masaligan pirmi.
----
bantayi maayo ang imo negosyo, kay sa kalibutan damo
ang mga perwisyo,
pero ayaw guid mawad-an ning kompyansa sa iba,
kay damo da ang tawo nga maayo ang kabubut-on
may limpio nga konsensya, kag alisto maghimo
ning maayo para sa tanan sa aton..
----
ayaw magbakak sa sarili mo, ayaw da magti-aw ti-aw
sa paghigugma mo,
kag ayaw pabay-i nga maduya ang pagpati sa
hinigugmaan,
kay sa kadamu-an ng panangis o pagkadismaya,
ang paghinigugmaan hay buyak nga waya katapusan baya.
----
pamati-i maayo ang tudlo ng aton pinagkaguyangan,
pabay-i na lang sa mga bata ang mga butang
na aton na na-agihan,
taw-i pirmi ning kusog ang dughan mo
para sa mga paaboton nga indi mo gusto...
damo sa ginakahadlokan hay halin lang sa langkag
kag sa pagkabudlay...
sa kabu-ak ng pagdisiplina sa kalawasan,
taw-i da ang sarili mo bisan maisot nga kalipay ·
---
ikaw hay isa nga parte ng aton kalibutan,
tiyad da sa mga puno o bitu-on sa kalangitan,
imo ang poder nga magistar diri ning pirmihan....
bisan ini hay klaro o bukon sa imo,
sigui lang sa iya pagtiyog ang kalibutan
nga gina-istaran mo...
---
gani dapat magtu-o ka sa Dios, bisan ano pa ang nasayuran
mo tungod sa iya,kag ano pa man ang imo ginahimo o
damgo sa kinabuhi,
sa mga sala ang imo kalag hay dapat libre guid
bisan may kagulohan pa sa imo paligid...
---
bisan damo pa ang mga bakak, mga disgracia, kag mga
dismaya sa kalibutan, ang kalibutan hay may tahom
nga madali lang mabatyagan.
----
magpalayo ka sa peligro,
pangita-a ang kalipay mo...
----
georgia, May 23, 2012