"Ang bayaya bayay nga galutaw sa dagat," May 19, 2012

"Ang bayay bayay nga galutaw sa dagat," May 19, 2012, letra ni lolo bomboy

by Lolo Bomboy on Sunday, May 20, 2012 at 3:43pm ·

photo courtesy of JV Madali
"ang bayay bayay nga galutaw sa dagat", May 19, 2012,
 letra ni lolo bomboy
letra:
suerte kamo kay igwa kamo ning
bayay bayay nga ga-lutaw sa dagat,
kung ka isa yadto ina sa lawod,
kung ka isa naka dunggo sa baybay,
igwa kamo bubong para indi kamo
ma-initan,
kag indi kamo mabasa kung mag-
uyan man..
igwa  da kamo la mesa nga peude
 maka-unan,
kag kung aboton ning gabi- puede
da mahigdaan...
daw puede da kamo dira magkalayo,
kag mag-ihaw o prito ng indo suya,
kag mag-inoman kung may matangway
kamo nga tuba,
indo sumsuman puede na da nindo
mabunit dira...
dako guid na suerte nga igwa kamo ini
nga bayay bayay,
nga iba guid sa "bahay kubo" nga
naka ugdok sa kadutaan,
kay ina hay puede mak-abot kung
pila nga mga baybay,
nga daw waya guid kamo gahalin sa
indo mga bayay,
gani kung kita hay maka-uli niyan o kung
san-o man sa Romblon,
sayod na naton ini nga bayay bayay
nga dapat guid naton bisitahon...
-----
photo courtesy of JV Madali

Georgia, May 19, 2012