by lolo bomboy
salamat sa mga retrato nga ging bu-oy nindo
sa SIPI nang nagkadto kamo didto ining enero
...daw indi magpati ang iba nga nag-isot na ini
iba na ang itsura ng SIPI kesa sa SIPI nga dati
daw bubon na lang gani kuno ang SIPI niyan
pero daw kaayo pa da gani ini nga paligusan
para sa mga igwa mga bayay nga malapit dira
igwa sinda labahan nga mahuga kung maduya
siempre niyan hay nagakalisod kita nga tanan
kay sa SIPI indi na niyan puede pa magsimplan
ging murohan na ninda ang mga alihid ng SIPI
dagko nga tawo di na maari malangoy dira uli
chorus:
tubi sa SIPI hay daw matin-aw pa hasta niyan
daw sa idayom pa da ng dota ang ginahalinan
sigui sigui pa da ang ilig ng ini pakadto sa suba
hasta sa dagat ng romblon didto ini nagaguwa
No comments:
Post a Comment