Fuente de Belen sa romblon, pangutana ni lolo Bomboy, june 13, 2011

Thursday, June 16, 2011 4:02 AM

Message body

 

 

Fuente De Belen sa romblon, pangutana ni lolo bomboy, june 13,2011

by Lolo Bomboy on 13 June 2011 Monday at 20:33

Ang Fuente de Belen sa Romblon,
pangutana ni lolo bomboy, june 13, 2011

ang Fuente de Belen hay nakita naton ina dati,

nang naga eskwela pa kita sa romblon elementary,

kita guid naton ini pagsaka didto sa hagdanan,

kag kita da naton ini pagpana-og naton tanan,

sa kadugayan kag paglipas ng mga tinu-ig,
niyan hay gapangayo ako ng indo bulig,
basi gani Fuente de Belen ang tawag sa ini,
ilam gani kung sayod ko ang estorya dati,

basi niyan ko lang ini gina pangutana,
kung basi Fuente de Belen ang ngayan niya.
daw nagatindog dira hay ang birhen Santa Maria,
nagabantay sa tanan nga dira hay naga-eskwela,

didto sa belen ging unga ang aton Gino-o,
nanay niya si Santa Maria nga birhen pa sadto,
daw yara sya sa Fuente de Belen nagatindog,
agud kay Jesus hay magpati kita ning matu-od,

nakita ko sa internet igwa gali didto sa Espana,
yadto didto Belen ang ngayan ng isa nga banwa,
igwa didto isa nga Fuente, sayukan ng tubi ninda,
ang tawag ninda sa ina hay Fuente de Belen da,

tingali nang tiempo ng mga kastila sa romblon,
naghuman sinda ning sayukan ng tubi sa aton,
siguro sinda hay mga taga Belen sa Espana,
ging tawag ninda ini nga Fuente de Belen da..

gani mga kasimanwa dira sa aton sa Romblon,
kung igwa kamo kilaya nga puede pangutan-on
pangutan-a basi Fuente de Belen tawag naton,
sa statuwa nga dugay na nga yara dira sa aton...