dako nga pagkalangkag sa Romblon, november 12, 2011, lyrics/melody by lolo bomboy

dako nga pagkalangkag sa Romblon, november 12, 2011, lyrics/melody by lolo bomboy

by Rhs Classfiftyeight on 13 November 2011 Sunday at 19:27

Romblon ang banwa'ng akon guid ginapalangga,
kadugay dugay na nga waya ako naka-uli dira,
gani kada adlaw imaw ina ang akon ginatinguha,
agud makita ko uli ang banwa nga akon palangga...

mga karsada dira hay dugay ko na nga waya na aagihan,
ang dagat kag mga isla mo hay dugay ko na nga waya
nakakadtu-an,
mga kanyugan kag kag bukid dira hay dugay ko na nga
waya napapasyaran,
mga pagkaon dira sa Romblon hay dugay ko na nga
waya natitilawan....

ang huyop ng hangin mo dira hay dugay ko na nga
waya nababatyagan,
ang pag subat ng adlaw mo hay dugay ko na nga
ginapanamguhan,
mga kakalase kag mga amigo ko hay dugay ko na
nga waya nakikita,
gani sa dughan ko hay igwa ning sakit nga mahuga
maduya....

kanamit guid mabuhi kung didto sa Romblon ka naga
estar,
may  kalipay didto nga daw mahugay makita sa iba nga
mga lugar.
mahuga para sa akon nga dugay na guid nga napalayo
sa Romblon,
kay dako nga pagkalangkag ang akon ginabatyag
sa akon tagipusu-on...