Tuesday, May 29, 2012

Ang Pintor ng mga tan-awon sa Isla ng Naguso o Cobrador", May 14, 2012

"Ang Pintor ng Mga Tan-awon Sa Isla ng Naguso o Cobrador", May 14, 2012, lyrics/melody ni lolo bomboy

by Lolo Bomboy on Monday, May 14, 2012 at 8:13pm ·
photo courtesy of Divina Mortel
----
"Ang Pintor ng Mga Tan-awon sa Isla ng Naguso o Cobrador"
 May 14, 2012,
lyrics/melody ni lolo bomboy
-----
letra:
-----
ano guid nga dako nga suerte ng mga sa Cobador
naga istar,
may baybay kag dagat sinda nga daw mahuga
makita sa iba nga lugar,
ang tubi didto hay daw kaayo guid ninda nga
languyan,
kalipay ng mga unga sa paglangoy daw inidi guid
mapaparesan....
----
kung makikita lang ini ng mga turista nga taga iba
nga lugar,
dira sa Naguso o Cobrador, sigurado guid nga  sinda
magapasyar,
idugang pa nga ang mga tawo dira hay may maayo nga
kabubut-on,
mga turista sigurado  guid nga malipay magabisita
sa aton sa Romblon....
---
ang damo nga mga tan-awon dira sa Naguso o
Cobrador,
ina hay mga  kaayo ayo nga  retrato nga
ging pinta ng isa nga Pintor,
maayo guid sa panan-aw ng mga mata ng aton
mga bisita,
bisan sa ano nga oras  sang aga, sang  hapon o
sang gab-i da...
----
sayod naton kung sin-o ang Pintor nga naghimo
ng ina nga mga tan-awon,
sa aton kalipay, taw-an naton Siya ning pasalamat
sa ging himo Niya para sa Cobrador,
dapat guid naton  pasalamatan ang aton palangga
kag ginahigugma nga Pintor...
indi guid naton dapat malimutan ang Iya mga ging
himo para sa Naguso o Cobrador...

Georgia,May 14, 2012 
Posted by at No comments:

Friday, May 4, 2012

Pagbisita sa Dagubdub, Espana, San Fernando, Romblon", May 4, 2012

"Pagbisita sa Dagubdub, Espana, San Fernando, Romblon", May 4,2012, lyrics/melody by lolo bomboy

by Lolo Bomboy on Friday, May 4, 2012 at 11:43am ·
photo courtesy of Maria Soundy Rafol
"Pagbisita sa Dagubdub, Espana, San Fernando, Romblon",
May 4, 2012, lyrics/melody by lolo bomboy

letra:
 letra:

kaayo ayo guid baya ang magpasyar kita sa
Dagubdub,
my limpio nga tubi nga naga ilig didto halin
sa tayod,
kaayo da ang maglangoy langoy sa gina iligan
ng tubi,
maduduya dira tanan nga mga problema naton
sa kinabuhi,

ang Dagubdub hay yara sa Sibuyan, sa Espana,
San Fernando,
mga tawo dira hay may pasyaran nga waya guid
kapareho,
ta-o ina sa inda ng aton Ginoo nga dapat naton
pasalamatan,
puede mahambay ina isa nga manggad para sa inda
nga tanan...

dapat guid mabantayan ang mga tiyad ina nga mga
naturaleza,
mahuga ina kung maduya kay indi na ina maari
mabaylohan pa,
damo nga mga turista kag mga bisita ang puede dira
ma-imbita,
may bulig da nga puede ninda madaya para sa aton
ekonomiya...

gani mga turista nga mga taga iba nga probinsya o iba
nga banwa,
sa mga pasyaran dira sa Sibuyan aton imbitahon nga
magbisita sinda,
sa pag-abot ninda ipabatyag naton ang aton mainit nga
pagbaton,
para madumduman ninda ang maayo nga batasan ng
mga Romblomanon...
Posted by at No comments:

Thursday, May 3, 2012

"Mga pasyaran naton sa Sibuyan," April 16,2012, lyrics/melody by lolo bomboy

"Mga pasyaran naton sa Sibuyan", April 16, 2012, lyrics/melody by lolo bomboy

by Lolo Bomboy on Monday, April 16, 2012 at 6:28 PM


"Mga pasyaran naton sa Sibuyan" April 16,2012, lyrics/melody by lolo bomboy
Monday, April 16, 2012 6:28 PM

"Mga pasyaran naton sa Sibuyan", April 16, 2012,
lyrics/melody by lolo bomboy

letra:

sa mga retrato nga yara sa FaceBook nga bu-oy
sa Sibuyan,
makikita naton ang mga lugar didto na puede
mapasyaran,
isa na ang Mt. Guiting-Guiting nga damo ang
nagasaka,
may mga hayop, tanom, kag mga waterfalls didto
makikita...

yadto da ang suba ng Cantingas nga may tubi nga
limpio,
pinakamaisot nga kuyapnit, kag "singalong" hay makikita
didto,
puede da magpasyar sa Busay Falls, o maglangoy sa Isla
de Gallo,
yara pa ang Lagting falls kag ang  parola sa banwa ng
San Fernando,
----
may Lambigan Falls sa Magdiwang, magpaligos didto hay
kaayo ayo,
didto naman sa Cajidiocan hay igwa sinda pasyaran nga
"little Baguio".
damo guid ang mga lugar na puede pasyaran ng mga turista
sa Sibuyan,
ang isla ng Sibuyan sa Romblon hay puede guid naton ipakadako
sa tanan...
----
note: sigun sa impormasyon tao ni Bobot Marin Prado, and "singalong" ay palabra nga Onhan; sa Romblomanon,Sibuyanon, kag Asi, ini hay "singayong"...kag ang Isla de Gallo hay ang opisyla nga tawag hay
"Crysta de Gallo Island..." o "Cresta de Gallo Island" as per Maria Soundy...
Posted by at No comments:

"Malip-ot na kanta para sa Kabit tubi, Sibuyan, April 17,2012, lyrics/melody by lolo bomboy

"Malip-ot na kanta para sa kabit tubi, Sibuyan, April 17, 2012, lyrics/melody by lolo bomboy

by Lolo Bomboy on Tuesday, April 17, 2012 at 10:27pm ·
"Malip-ot na Kanta para sa Kabit Tubi, Sibuyan", April 17, 2012,
lyrics/melody by lolo bomboy

letra:

bisan pa ang kabit tubi hay kalayo layo.
dako guid ang puyos ng imo kahapo,
indi bale nga dugay maka-abot didto,
pag-abot mo dako da ang kalipay mo...

maghalin ka sa Danao, Camanglad,
tatlo o upat ka horas ka matokad,
bawi guid tanan inang kabudlay mo,
kay kanamit ang pamatyag mo didto...
---
ang mato-od niyan ko lang da nasayuran,
or
ang mato-od ini ang napinto ko niyan lang,
ang kabit tubi hay yadto sa banwa ng
Magdiwang,
kag kung gusto nindo masayuran,
ang kabit tubi sa english hay "waterfall"
ang ngayan...
  • 4 shares4 shares

    • Bobot Marin Prado Uncle Bomboy ano ang guston hambayon mo ng Mailipot? Inang Matag-od ba? Kung matag-od bukon ba malip-ot ina sa hambay Sibuyanon?
      April 17 at 10:33pm · · 1

    • Lolo Bomboy salamat Bot sa pagmuyo mo sa pagkatype ko ning sala ng "malip-ot" o "matag-od"... waya ko na ini naproofread kay nagamadali na ako sa pasugat sa missis sa trabaho kaina nga gingsulat ko ini nga kanta...medyo may diperensya na da ang akon mata kag antiojos...Sibuyanon gale ining palabra nga"malip-ot"...
      April 17 at 11:28pm · · 1

    • Lolo Bomboy tundog mo ba Bot kung diin ining kabit tubi?
      April 17 at 11:30pm ·

    • Lolo Bomboy ang matood niyan ko lang nasayuran, ang kabit tubi hay yadto sa banwa ng Magdiwang, kag kung gusto nindo masayuran, ang kabit tubi sa english hay "waterfall" ang ngayan...
      April 18 at 2:17am ·

    • Bobot Marin Prado Waya ko mapinto (sibuyanon ng masayuran) ang mga lugar dira sa Magdiwang. ang akon nataris-taris nga lugar ang San fernando. Pero sayod ko tanan nga mga barangay dira bisan pa ang mga dagko o kilaya man nga mga sitio ng magdiwang.
      April 18 at 9:01am · · 1

    • Lolo Bomboy Bot ging edit ko ang last stanza agud mausar ko ang "mapinto" nga hambay mo hay sibuyanon ng "masayuran" sa linya nga "ang mato-od niyan ko lang da nasayuran" or " ang mato-od ini ang napinto ko niyan lang"...
      April 18 at 1:58pm · · 1

    • Bobot Marin Prado Kaayo ayo na, daw guid Sibuyanon na 'ja ang nagsulat.
      April 18 at 8:49pm · · 1

    • Lolo Bomboy salamat guid Bot kay damo da ang natutun-an ko sa imo...
      April 18 at 8:52pm · · 1

    • Bobot Marin Prado Guin share ko man sa isa nga taga San Fernando kay maayo siya mag hambay ning Sinibuyanon nga San Fernando dialect. Pero sa akon lang, perfect na guid ini!
      April 18 at 8:54pm · · 1

    • Lolo Bomboy gabay pa nga imaw da ina ang opinyon ng amigo/a mo nga taga San Fernando...
      April 18 at 8:56pm · · 1

    • Bobot Marin Prado Sa inda busa sa Sibuyan, kung first time ka makabati inda hambay, indi mo man maintindihan. Halimbawa ang santermo sa aton, bulalakaw sa inda, siling kung ang bulalakaw hay shooting star sa amon. Ang hunasan sa inda hay dayaan kay sa inda naman ang hunasan hay ang bahura.
      April 18 at 9:05pm · · 1

    • Lolo Bomboy damo pa guid ang matutun-an ko sa imo Bot..salamat..irepost ko ini sa romblomanon, unhan kag asi group...
      April 18 at 9:10pm ·

    • Bobot Marin Prado Salamat, bihira ang mga tawo nga guinasapuso ang paghigugma sa aton probinsiya, bisan pa sa malayo na kita naga estar.
      April 18 at 9:12pm · · 1

    • Lolo Bomboy ang panan-aw ko busa hay bintaha naton ining tigo kita maghambay kag magsulat sa aton guid linguaje tiyad ng iba nga mga taga iba nga lugar sa aton sa pilipinas o sa bug-os na kalibutan tiyad ng mga chino kag japon...
      April 18 at 9:16pm ·
Posted by at 2 comments:

"Isa nga pahatag sa mga nag-eskwela sa probinsya ng Romblon," May 1,2012, lyrics/melody by lolo bomboy

"Isa nga pahatag sa mga nag-eskwela sa probinsya ng Romblon," May 1, 2012, lyrics/melody by lolo bomboy

by Lolo Bomboy on Tuesday, May 1, 2012 at 7:14am ·
"Isa nga pahatag sa mga nag-eskwela sa aton
probinsya ng Romblon", May 1, 2012, lyrics/melody
by lolo bomboy

letra:

nag-eskwela ka sa aton sa probinsya ng Romblon,
paghigugma sa tawo, sa banwa, sa Diyos didto ka
nakatu-on,
sa hugod, sa kamayad, kag sa porsigui mo hay
nag-asenso  ka,
nakahuman ka ning ejemplo nga puede guid pamaresan
da ng iba...

ang serbisyo mo sa banwa hay halin guid sa imo
tagipusu-on,
imaw da ina ang imo ginahuman sa pamilya mo kag
mga igsu-on,
eskwelahan, mga kaklase kag mga maestro mo hay
imo guid nadudumduman,
indi guid sinda mapaya sa imo hunahuna kag pirmi ka
alisto nga sinda hay mabuligan...

aber diin nga lugar ka man makaabot sa bilog nga kalibutan,
sa i-mo mga kaibahan hay isa ka nga amigo nga puede ninda
masaligan,
bisan ang mo pa kinabuhi kung kahinanglan hay imo guid
iga-tao,
makahuman ka lang ning maayo para sa isa nga amigo mo...

ikaw hay isa nga tunay nga unga ng probinsya ng  Romblon,
dako nga honor ang ginata-o mo para sa mga taga aton,
kung puede lang hay paresan ka ng mga naga eskwela pa didto,
damo nga benefesyo para sa inda ang ta-o mo nga ejemplo...

isa ka nga dako nga manggad sang banwa kag ng tribung Pilipino...
Posted by at No comments:

Thursday, February 9, 2012

"Pagpanihi sa hunasan sa Calabogo", january 28, 2012, lyrics/melody by lolo bomboy

"Pagpanihi sa hunasan sa Calabogo", january 28,2012, lyrics/melody by lolo bomboy

by Lolo Bomboy on Saturday, January 28, 2012 at 1:22am ·

photo courtesy of Barangay Calabogo


"Pagpanihi sa hunasan sa Calabogo", january 28, 2012, lyrics/melody by lolo bomboy

letra:

hambay ninda kaayo ayo magpanihi sa
hunasan didto sa Calabogo,
imaw da kuno ang magpanihi sa binagong
hambay da ng aton isa nga amigo,
bisan gani dati hampig didto sa amon sa
may moro,
damo da ang mga tawo nga nagapanihi
sa hunasan didto....

ang maayo pa dira sa inda sa Calabogo,
hay daw kalapit lapit lang sa hunasan ang
isla ng San Alfonso,
kag daw kababaw lang ng dagat pakadto
didto,
ilam lang kung puede matabok ina sa pag
langoy lang ng tawo...

sin-o baya sa aton ang nakaabot na sa
barangay ng Calabogo,
daw damo da ang mga lugar nga maayo
pasyaran didto,
siguro dapat guid masayuran ng mga
turista ang ini nga mga lugar,
agud madugangan ang mga pangabuhi
ng mga tawo nga dira nagaistar...
Posted by at No comments:

"Kanta para sa Calabogo," february 6, 2012, lyrics/melody by lolo bomboy

"Kanta para sa Calabogo", February 6, 2012, lyrics/melody by lolo bomboy

by Lolo Bomboy on Tuesday, February 7, 2012 at 1:49am ·

"kanta para sa Calabogo," February 6,2012,
lyrics/melody by lolo bomboy

letra:

ang Calabogo hay isa nga barangay sa Romblon,
ika duha nga pinakamabahoy sa probinsya naton,
sa nakikita naton diri sa facebook nga mga retrato,
damo ang mga lugar nga puede maspasyaran didto....

daw didto hay kita na guid ang isla ng Sibuyan,
sa panan-aw, ini hay daw kalapit lapit na guid lang,
kaayo ayo na didto tan-awon ang mt.guiting-guiting,
didto hay daw fresco guid pamatayagan ang hangin...

sa pagkasayod ko hay igwa ning parola sa Calabogo,
malapit na sa ina  ang maisot nga isla ng San Alfonso,
igwa da ning puti kag limpio nga baybay sa ini nga isla
isa da ini nga pasyaran ng tawo nga malapit lang sa inda...

sa Calabogo igwa sinda ning ginatawag nga "waterfall",
sa isla ng Romblon, isa lang kuno ining "kawilihan falls",
para sa mga taga didto,ang Calabogo hay isa nga paraiso,
nga kalipay guid ninda nga ipakadako sa tanan nga tawo...

masuerte guid ang mga tawo nga naga istar sa Calabogo,
kay damo ang mga tanum kag isda nga makakaon didto,
may pangabuhi da ang mga tawo nga maayo para sa inda,
waya na guid kahinanglan nga dumayo sinda sa malayo pa...

Posted by at No comments:
Subscribe to: Posts (Atom)