"dako nga pagkalangkag sa Romblon, (SIPI version), november 12, 2011, lyrics/melody by lolo bomboy

dako nga pagkalangkag sa Romblon,(SIPI version), november 12, 2011, lyrics/melody by lolo bomboy

by Rhs Classfiftyeight on Monday, November 14, 2011 at 1:19am

lyrics:

Romblon ang banwa nga akon guid ginapalangga,
kadugay dugay na nga waya ako naka-uli dira,
... gani kada adlaw imaw ina ang akon ginatinguha,
agud makita ko uli ang banwa nga akon palangga...

mga karsada dira hay dugay ko na gusto uli
ma-agihan,
ang dagat kag mga isla mo hay daw kaayo-ayo uli
makadtuan,
mga kanyugan kag bukid dira hay gusto ko kunta uli
mapasyaran,
mga pagkaon dira sa Romblon pirmi ko ginapangabay
liwat matilawan....

ang huyop ng hangin dira hay kung ka san-o ko pa
ulihi nabatyagan,
ang pag subat ng adlaw mo hay dugay ko na nga
ginapanamguhan,
mga kakalase kag amigo ko hay dugay ko na
nga ginapangita,
kag igwa pa iba nga mga lugar tiyad ng SIPI nga
gusto ko mabisita uli dira....

gani sa dughan ko hay igwa ning sakit nga mahuga
maduya....
ang romblon kag mga romblomanon hay yara guid
sa tanan nga oras sa akon huna-huna...

kanamit guid mabuhi kung didto sa Romblon ka naga
istar,
may kalipay didto nga daw mahuga makita sa iba nga
mga lugar.
mahuga para sa akon nga dugay na guid nga napalayo
sa Romblon,
kay dako nga pagkalangkag ang akon ginabatyag
sa akon tagipusu-on...

"akon kanta para sa tree house sa Romblon, Romblon, january 14, 2012, lyrics/melody by lolo bomboy

"akon kanta para sa tree house sa Romblon, Romblon", january 14, 2012, lyrics/melody by lolo bomboy

by Lolo Bomboy on Saturday, January 14, 2012 at 9:43pm

photo courtesy of Edith Moreno Machado.
"akon kanta para sa tree house sa Rombon, Romblon,", jan 14,2012,
lyrics/melody by lolo bomboy

LYRICS:

isa sa una nga tree house na ginghuman sa romblon,
hay adtong kay Babit Festin nga kaklase dati namon,
nasayuran ko igwa pa gali isa sa Romblon, Romblon,
isa pa nga bayay nga puede da naton didto bisitahon...
  ----
ini naman nga bayay hay daw malapit lang  sa pantalan,
siguro lampas ini sa bagacay o sa unahan pa ng tiamban,
kung may nakatundog o naka-abot na sa bayay nga ini,
gabay pa itudlo ini sa amon para dira maka-abot da kami....
-------
ini nga bayay naman hay ging ugdok sa isa nga hunasan,
sa paligid hay kadamo damo ang kahoy nga bakhawan,
kag sa atubangan hay ang dagat nga kaayo languyan,
isa pa ini nga lugar sa aton nga maayo guid nga pasyaran... 

bisan ini hay bukon isa nga tree house tiyad ng kay Babit,
magistar didto bisan ano nga oras hay daw kanamit namit,
puede maglangoy o magbaroto sa dagat nga yadto didto,
o puede da nga mag-energuhan lang sa suyod ang tawo...
-----

sa katatan-aw ko liwat liwat sa bayay sa retrato nga ini,
naisip ko tingali ini nga bayay hay kay Dr.Elpidio Fonte,
diri nagtipon nang 2008 ang pila sa amon nga magkaklase,
sadtong reunion ng RHS class 1958 sa amon Golden Jubilee..

akon kanta para sa tree house sa banton, jan 24, 2011,lyrics/melody by lolo bomboy

"akon kanta para sa tree house sa banton,", jan 24,2011, lyrics/melody by lolo bombloy

by Lolo Bomboy on Tuesday, January 25, 2011 at 1:49am

 
akon kanta para sa tree house sa banton," jan 24,2011, lyrics/melody by lolo bomboy...

lyrics:

isa sa una nga tree house na ginghuman sa romblon
hay adtong kay Babit Festin nga kaklase dati namon
niyan hay nasayuran ko igwa da gali dira sa banton
isa pa nga tree house nga puede naton dira bisitahon


kalipay da na indo ginapakaayo ining tree house nindo
daw kaayo ayo magpasyar dira kung sabado o domingo
daw kanamit gid magkatuyog dira sa hapon o gab-i
kay damo sigurado ang mga pispis dira na nagahunihuni

kanugon nga waya ako nakakadto sa tree house ni Babit
didto kuno hay kaayo magpahuway sa adlaw nga mainit
kag sa gab-i naman hay daw puede da magpamunit didto
imaw ina ang nasayuran ko sa mga nakakadto na amigo ko

imaw ini ang kaayo ayo dira sa aton probinsya ng romblon
damo gid didto ang mga lugar nga puede na kadtuan naton
may mga bayay malapit sa dagat, damo isda didto mabu-oy
kag igwa pa mga bayay nga yara naman sa ibabaw ng kahoy